Муниципалитетлар арасында йөрүче 2 даими маршрут буенча пассажирлар ташу хокукына конкурс үткәрелде

Бүген Татарстан Республикасы транспорт һәм юл хуҗалыгы министрлыгында Татарстан территориясе аша узучы маршрутларда муниципалитетлар арасында пассажирлар ташу хокукына конкурс үткәрелде.
Конкурста 2 лот уйнатылды:
- 532 нче номерлы “Казан-Свияжск” маршрутына (Казаннан шимбә, якшәмбе һәм бәйрәм көннәрендә 9.00 сәгатьтә китә, Свияжскидан 15.30);
- 564 нче номерлы “Апас-Казан-Апас” маршрутына (Апастан һәр көнне 5.30, 6.30, 8.30, 11.00, 14.30 китә, Казаннан 10.00, 11.30, 13.20, 15.00, 18.00 сәгатьтә).

Конкурста катнашуга 3 заявка бирелде. Заявкалар белән конвертларны ачканда конкурс комиссиясе әгъзаларыннан тыш ташучыларның вәкилләре дә катнашты.
Җиңүче итеп транспортта хезмәт күрсәтү шартларының иң яхшысын тәкъдим иткән ташучы танылачак.