Татарстан Республикасы Транспорт һәм юл хуҗалыгы министрлыгы

Куйбышев тимер юлының Идел-Кама төбәге предприятиеләре кышкы шартларда эшләү өчен 60% әзер

2014 елның 25 августы, дүшәмбе

Тимер юл транспортының көзге-кышкы чорда эзлексез эшләвен тәэмин итү өчен Куйбышев магистраленең Идел-Кама төбәгендә 1 августтан 25 октябрьгә кадәр барлык хуҗалыкларның һәм кадрларның кыш көне эшләргә әзерлекләрен тикшерү үткәрелә. Әлеге чорда барлык хәрәкәттәге состав, кар чистартучы техника төзекләндерелгән, барлык биналар һәм корылмалар, җылылык һәм су белән тәэмин итү объектлары тикшерелгән булырга тиеш. Кышка әзерлек 1 ноябрьдә төгәлләнәчәк.

Төбәктә кышкы чорда 23 кар чистартучы машина эшләячәк. Хәзерге вакытта техникага комиссия тикшерүе үткәрелә. Тикшергән вакытта белгечләр хәрәкәттәге составның техник, янгынга каршы, санитар-гигиеник хәленә игътибар итәләр.

Кышкы эшләргә беренче тапкыр керешүче хезмәткәрләр өченпоезлар хәрәкәте иминлеген тәэмин итү буенча махсус укыту оештырылган. Һәр хезмәткәр тәҗрибәле остазга беркетелгән һәм план буенча инструктаж үтә. Линияләрдә эшләүче титмерьюлчылар махсус кышкы өске кием һәм аяк киеме белән тәэмин ителәчәкләр.

Әлеге чаралар Куйбышев тимер юлының Идел-Кама төбәгендә поездлар хәрәкәте иминлеген максималь дәрәҗәдә тәэмин итүгә юнәлдерелгән.

Материалны“РТЮ” ААҖ филиалы - Куйбышев тимер юлының Идел-Кама төбәге матбугат хезмәте тәкъдим итте.

БАРЛЫК ЯҢАЛЫКЛАРНЫ УКУ