Татарстан Республикасы Транспорт һәм юл хуҗалыгы министрлыгы

25 июльдә Тимерьюлчылар мәдәният йортында яшь тимер юлчыларның V слетын ябу һәм җиңүчеләрен бүләкләү тантанасы үткәрелә

2014 елның 23 июле, чәршәмбе

Яшь тимер юлчыларның V слеты Казанда 21-25 июльдә Горький балалар тимер юлы базасында үткәрелә. Слетта 25 балалар тимер юлыннан 200дән артык шәкерт катнаша, һәр юлдан җидешәр бала. Алар коллективларында җитди сайлаулар узганнар һәм үзләренең балалар юлында ярышлар җиңүчеләре булганнар. Казанда алар үз юлларына презентация ясадылар, командалы тренингларда, спорт ярышларында һәм анимацион программаларда катнаштылар.

Махсус “Иң яхшы яшь профессионал” бәйгесендә коллегаларына төрле номинацияләрдә осталыкларын күрсәттеләр. Слетта катнашучылар Казанның истәлекле урыннары белән таныштылар, Казан Кремлендә һәм кызыклы фән һәм техника йортында булдылар.

Яшь тимер юлчылар слеты – балалар юллары шәкертләренең булачак карьераларында иң мөһим чараларның берсе, аннан соң алар тармак буенча уку йортларына укырга керәчәкләр һәм ил магистральләренә эшләргә киләчәкләр.

Чарада “РТЮ” ААҖ җитәкчеләре катнашачак – Идарә аппараты вице-президенты Дмитрий Шаханов, Горький тимер юлы башлыгы Анатолий Лесун, Горький тимер юлының Казан территориаль идарәсе буенча башлыгы урынбасары Александр Черемнов.

Материалны “РТЮ” ААҖ филиалы - Горький тимер юлы матбугат хезмәте тәкъдим итте.

БАРЛЫК ЯҢАЛЫКЛАРНЫ УКУ