Татарстан Республикасы Транспорт һәм юл хуҗалыгы министрлыгы

“Татнефть” традицион нефть саммитында катнашты

2014 елның 4 июле, җомга

4 июльдә Татарстан Республикасы Президенты Рөстәм Миңнеханов катнашында ел саен уздырыла торган традицион нефть компанияләре җитәкчелеге саммиты булып үтте.

Чара башланыр алдыннан катнашучылар Татарстан нефть компанияләренең алдынгы технологияләре күргәзмәсен карадылар. Быел экспозициядә «Татнефть» ААҖ, «РИТЭК» ААҖ, «ТД ИнТех» ҖЧҖ һәм Казан (Идел буе) федераль университеты катнашты.

Шулай ук «ТАНЕКО» заводлары комплексы төзелеше проектын тормышка ашыру этаплары белән таныштырып үттеләр. “ТАНЕКО” Евро-5 стандарты буенча экологик яктан чиста дизель ягулыгы җитештерә. Озакламый «Татнефть» ААҖ тулысынча үзенең нефть продукциясе белән тәэмин ителәчәк.

Чараның пленар өлешендә 2014 елның беренче яртыеллыгында «Татнефть» ААҖ эшчәнлеге нәтиҗәләре турында докладны Компаниянең генераль директоры Наиль Маганов тәкъдим итте.

Шулай ук саммит кысаларында скважиналар төзегәндә яңа технологияләр куллану, нефть катламнарының нефть бирүчәнлеген арттыруның яңа технологияләрне гамәлгә кертү һәм башкалар турында да докладлар булды.

Нефть форумында катнашучыларга йомгаклау сүзе белән Татарстан Республикасы Президенты Рөстәм Миңнеханов мөрәҗәгать итте. Татарстанның иң яхшы нефть тармагы вәкилләренә хезмәттә казанган уңышлары һәм күпьеллык намуслы хезмәтләре өчен РФ һәм ТР дәүләт бүләкләре тапшырды.

Материалны “Татнефть” ААҖ матбугат хезмәте тәкъдим итте.

БАРЛЫК ЯҢАЛЫКЛАРНЫ УКУ