Татарстан Республикасы Транспорт һәм юл хуҗалыгы министрлыгы

2013 нче ел нәтиҗәләре буенча республиканың транспорт комплексы предприятиеләре арасында хезмәтне саклау өлкәсендә иң яхшы оештырылган эш смотр-конкурсына йомгак ясалды

2014 елның 4 марты, сишәмбе

Татарстан Республикасы Транспорт һәм юл хуҗалыгы министрлыгында 2013 нче ел нәтиҗәләре буенча республиканың транспорт комплексы предприятиеләре арасында хезмәтне саклау өлкәсендә иң яхшы оештырылган эш смотр-конкурсына йомгак ясалды. Әлеге чара эшкә алучыларның һәм профсоюз комитетларының эшчәнлеген активлаштыруга, шулай ук республиканың транспорт комплексы предприятиеләрендә производство җәрәхәтләрен кисәтү һәм киметүгә юнәлдерелгән.

“500 кадәр хезмәткәре булган транспорт предприятиеләре арасында хезмәтне саклау өлкәсендә иң яхшы оешма” номинациясендә Түбән Каманың “ПАП “Транспорт-экспресс” ҖЧҖ 1 нче урын алган. 2 нче урында - Яр Чаллының “Промжелдортранс-Сервис” ҖЧҖ, 3 нче урында – Лениногорскидан “Спутник” ҖЧҖ.

“500 кадәр хезмәткәре булган юл хуҗалыгы предприятиеләре арасында хезмәтне саклау өлкәсендә иң яхшы оешма” номинациясендә Зәйнең “Татнефтедор” ҖЧҖ җиңгән.

“500 артык хезмәткәре булган транспорт предприятиеләре арасында хезмәтне саклау өлкәсендә иң яхшы оешма” номинациясендә 1 нче урын Казанның “ПАТП №4” МУП һәм Түбән Каманың “Горэлектротранспорт” ДУПнә бирелгән. Икенче урында – “Нижнекамское ПАТП” ҖЧҖ, өченчедә - “Управление автомобильного транспорта - Нижнекамскнефтехим” ААҖ һәм “Альметьевское ПОПАТ” ААҖ.

“500 артык хезмәткәре булган юл хуҗалыгы предприятиеләре арасында хезмәтне саклау өлкәсендә иң яхшы оешма” номинациясендә “Татнефтедор” ҖЧҖ җиңүче булган.

Министрлыкның матбугат хезмәте.

БАРЛЫК ЯҢАЛЫКЛАРНЫ УКУ