Юл хәрәкәте кагыйдәләрен бозып куелган транспорт чарасы махсус машина кую урынына эвакуацияләнәчәк

2014 елның 25 феврале, сишәмбе
      Юл хәрәкәте кагыйдәләрен бозып куелган транспорт чаралары Казанда юл-транспорт хәлен сизелерлек катлауландыра. ТР буенча ЭЭМ ЮХИДИ транспорт чарасы туктап тору һәм машина кую кагыйдәләрен бозган өчен 500 сумнан 5 меңгә кадәр штраф салынуын искә төшерә.
      Ел башыннан алып Казанда туктап тору һәм машина кую кагыйдәләрен бозган өчен 6 меңнән артык транспорт чарасы махсус машина кую урынына эвакуацияләнгән. Әлеге юнәлештә актив эш юлларны кардан арындыру өчен дә алып барыла.
      Әгәр йөртүче машинасын юлда калдырып китеп, кире килгәч аны тапмаса, беренче чиратта җирле эчке эшләр органының дежур частенә 02 яисә 112 телефоны аша мөрәҗәгать итәргә тиеш. Казанда эвакуацияләнгән транспорт турында мәгълүматны шулай ук 277-66-77 телефоны аша һәм uslugi.tatar.ru сайтының “Эвакуация: Проверить наличие вашего авто на специализированной стоянке” бүлегендә белергә була. Бүлеккә керү өчен кәрәзле телефон номерын һәм автомобильнең дәүләт теркәү номерын кертергә кирәк булачак.
      Йөртүчеләргә алдан ук автомобильнең туктап тору урынын планлаштырырга һәм машина кую урыны белән файдаланырга тәкъдим ителә.          
Материалны ТР буенча ЭЭМ ЮХИДИ матбугат хезмәте тәкъдим итте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International