Татарстан Республикасы Министрлыклары Татарстан Республикасы Транспорт һәм юл хуҗалыгы министрлыгы

Куйбышев тимер юлының Идел-Кама төбәгендә 2013 елда 130 чакрымнан артыграк тимер юл төзекләндерелгән

2014 елның 12 феврале, чәршәмбе

Куйбышев тимер юлының Идел-Кама төбәгендә 2013 елда 130,8 чакрым тимер юл яңартылган, 56,2 чакрымда капиталь төзекләндерү эшләре башкарылган.

Куйбышев тимер юлы Идел-Кама төбәгендә юл эшләре буенча иң зур игътибар Тойма-Алнаши, Молвино-Гремячий Ключ, Зәй-Зыча, Биклянь-Соболеково, Ахметьево-Норлат, Маклауш-Дымка, Бөгелмә-Зәй, Юловка-Глотовка, Вешкайма-Чуфарово, Ютазы-Уруссу юнәлешләренә бирелгән. Моннан тыш 30 комплект стрелка күчерү җайланмалары салынган.

Төзекләндерү эшләре югары җитештерүчәнлекле юл машиналары ярдәмендә үтәлгән. Ел саен юлларны төзекләндерү буенчабашкарыла торган эшләр ташу куркынычсызлыгы дәрәҗәсен үстерүгә, йөк һәм пассажир поездлары хәрәкәте тизлеген арттыруга мөмкинлек бирә.

Материалны Куйбышев тимер юлының Идел-Кама төбәге матбугат хезмәте тәкъдим итте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«ЮВТ АЭРО» авиакомпаниясе һәм «Казан» аэропорты «Тукай атнасы» игълан итә

Бөек татар шагыйре Габдулла Тукайның тууына 140 ел тулуны бәйрәм итү кысаларында «ЮВТ АЭРО» авиакомпаниясе һәм «Казан» Халыкара аэропорты 20-26 апрель көннәрендә узачак «Тукай атналыгы» дигән махсус акция башлап җибәрәләр.

Комаровлар тукталыш пункты буенча Казан - Кукмара шәһәр яны поездына тукталыш кертелә

Хезмәт күрсәтү сыйфатын яхшырту өчен 17 апрельдән 6436 нчы Казан – Кукмара шәһәр яны поезды Комаровлар тукталыш пунктында тукталачак.

апрель, 2026 ел

Фәрит Хәнифов юл хәрәкәте иминлеген тәэмин итү буенча ТР Хөкүмәт комиссиясе утырышында катнашты

Бүген ТР Хөкүмәте Йортында юл хәрәкәте иминлеген тәэмин итү буенча ТР Хөкүмәт комиссиясе утырышы узды. Аны Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе, юл хәрәкәте иминлеген тәэмин итү буенча Татарстан Республикасы Хөкүмәт комиссиясе рәисе урынбасары Шамил Гафаров үткәрде. Чарада ТР транспорт һәм юл хуҗалыгы министры Фәрит Хәнифов катнашты.

Татарстанда кайнар асфальт-бетон кулланып чокырларны ремонтлау эшләре башланды

Татарстанның төбәк юлларында кайнар асфальт-бетон кулланып чокырларны ремонтлау эшләре башланды. Моңа 18 асфальт-бетон заводын эшләтеп җибәрү ярдәм итте. Аерым алганда, республиканың Әгерҗе, Алексеевск, Әлмәт, Балтач, Бөгелмә, Чүпрәле, Лаеш, Түбән Кама, Яңа Чишмә һәм башка районнарында заводлар эшли башлады.

ЯҢАЛЫКЛАРГА ЯЗЫЛУ