Татарстан Республикасы Транспорт һәм юл хуҗалыгы министрлыгы

«Татнефть» ААҖ нефть-химия комплексы предприятиеләренең хезмәт коллективы җыелышы

2014 елның 11 феврале, сишәмбе

Түбән Камада «Татнефть» ААҖнең нефть-химия комплексы предприятиеләренең хезмәт коллективы конференциясе узды. Анда 2013 елдагы эшчәнлеккә һәм Күмәк килешүләрдәге йөкләмәләрне үтәү буенча нәтиҗәләр чыгарылды һәм агымдагы елга бурычлар билгеләнде.

Ел саен үткәрелә торган чарада «Татнефть» ААҖ генераль директоры урынбасары – “УК “Татнефть-Нефтехим” ҖЧҖ директоры Зәгыйт Шәрәфиев, «Татнефть» ААҖ профком рәисе Гомәр Яруллин, Түбән Кама муниципаль районы башлыгы Айдар Метшин катнашты.

«Татнефть» нефть-химия комплексы предприятиеләре12,5 млн. шина, 108,9 мең тонна техник углерод, 414 комплект пресс-форма, 520 мең. тонн коелма эшләп чыгарган.

Предприятиеләрнең социаль сәясәте берничә юнәлештә алып барылды. Алар арасында лаеклы хезмәт һәм ял шартлары булдыру, хезмәткәрләрне дәвалау һәм профилактика, торак белән тәэмин итү. Ел дәвамында администрация һәм профсоюз комитеты хезмәтне саклау, мәдәният һәм спорт буенча уртак эшчәнлек алып бардылар.

Хезмәт коллективының конференция эше нәтиҗәләре буенча карар чыгарылды. Нефть-химия комплексы предприятиеләренең Күмәк килешүдә билгеләнгән йөкләмәләр тулысынча үтәлгән дип табылды. Предприятиеләрнең 2014 елга төзелгән Күмәк килешүләрендә 2013 елда булган барлык социаль ташламалар һәм гарантияләр сакланып калды. Хезмәт хакын арттыру турында, һ.б. үзгәрешләр кертелде.

Җыелышта шулай ук 2014 елга бурычлар билгеләнде.

Материалны “Татнефть” ААҖ матбугат хезмәте тәкъдим итте.

БАРЛЫК ЯҢАЛЫКЛАРНЫ УКУ