Татарстан Республикасы Транспорт һәм юл хуҗалыгы министрлыгы

Үткән тәүлеккә Татарстан Республикасында транспорт комплексының хәле турында мәгълүмати хәбәр

2014 елның 10 феврале, дүшәмбе

ТР буенча ЭЭМ ЮХИДИ мәгълүматы буенча республикада үткән тәүлектә 4 юл-транспорт һәлакате теркәлгән, нәтиҗәдә 4 кеше төрле тән җәрәхәте алган. Казанда җәмәгать транспорты катнашында юл-транспорт һәлакате булган. Лада-Калина автомобиле йөртүчесе Татарстан урамыннан барганда Мәскәү урамы белән кисешү урынында Нефаз автобусына (ПАТП-2, 5 нче маршрут) бәрелгән. ЮТҺ нәтиҗәсендә җиңел автомобиль йөртүчесенең күкрәк читлеге һәм оча сөякләре имгәнгән. Ул 7 нче шәһәр хастаханәсенә озатылган.

Автотранспорт хәрәкәтенә чикләмә булмады.

Татарстан муниципалитетлары арасындагы маршрутларга расписание буенча 176 автобус чыкты.

Федераль юлларда 109 берәмлек юл техникасы дежур торды, төбәк юлларында – 126. Идел, Кама, Нократ, Зөя елгалары күперләре нормаль хәлдә.

Казан аэропортыннан 58 рейс башкарылды, шул исәптән 14 – чартер, 15 – халыкара рейслар. 2140 пассажир озатып җибәрелде, Татарстан башкаласына 1179 кеше килде.

“Ак Барс Аэро” авиакомпаниясе 43 рейс башкарды.

10 нче февральдә Татарстан Республикасы транспорт һәм юл хуҗалыгы министрлыгы метеостанцияләре мәгълүматлары буенча республикада аязучан болытла һава көтелә, урыны белән кар, җил көньяктан, юлларда бозлавык. Температура көндез -9 -14 гр.

Матбугат хезмәте.

БАРЛЫК ЯҢАЛЫКЛАРНЫ УКУ