Татарстан Республикасы Транспорт һәм юл хуҗалыгы министрлыгы

Татарстанның транспорт комплексы җитәкчеләре катнашында киңәйтелгән аппарат киңәшмәсе булып үтте.

2014 елның 7 феврале, җомга

ТР Транспорт һәм юл хуҗалыгы министрлыгында республиканың транспорт комплексы җитәкчеләре катнашында киңәйтелгән аппарат киңәшмәсе булып үтте.

Традиция буенча Ленар Сафин киңәшмәне транспорт комплексы предприятиеләрендә куркынычсызлык техникасы кагыйдәләрен үтәү һәм хезмәтне саклау мәсьәләсе белән башлап җибәрде. Министр бәхетсезлек очракларының төп өлеше юл-транспорт һәлакатенә туры килүен билгеләп үтте. Шуңа күрә предприятие җитәкчеләренә Юл хәрәкәте кагыйдәләре буенча йөртүчеләр составы белән инструктаж үткәрүне оештырырга йөкләмә бирде. Министрлыкта ел саен республиканың транспорт комплексы предприятияләре арасында хезмәтне саклау буенча смотр-конкурслар үткәрелүен дә искә төшерде министр һәм анда актив катнашуларын сорады, гаризалар 15 февральгә кадәр кабул ителә.

Ленар Сафин Сочида XXII кышкы Олимпия уеннары чорында транспорт комплексы объектларын терроризмнан саклау максатыннан предприятиеләрнең барлык эшчеләрендә уяулык арттыру буенча инструктаж үткәрү кирәклеген ассызыклады.

Киңәшмәдә шулай ук кыш көне юлларны карап тотучы оешмалар җитәкчеләренә дә йөкләмә бирелде, һава шартларына карап үзвакытлы бозлавыкны, һәм шулай ук кар күп вакытта оператив рәвештә кар көртләрен бетерүгә әзер булырга кирәклеге әйтелде.

Моннан тыш, 2014 ел навигациясенә үзвакытлы хәзерләнү өчен “Татфлот” СК ААҖ җитәкчелегенә 10 февральгә кадәр пассажир судноларын төзекләндерү буенча календарь графигы һәм техник экспертиза үтү планы төзергә киңәш бирелде.

Киңәшмәдә РФ Федераль чик буе хезмәтенең чик буен контрольдә тоту бүлеге башлыгы Олег Тарабрин чыгыш ясады. Ул Татарстанның барлык транспорт комплексы XXVII Бөтендөнья Җәйге Универсиада вакытында сыйфатлы транспорт хезмәте күрсәткәне өчен рәхмәт белдерде. Һәм ТР Транспорт һәм юл хуҗалыгы министры Ленар Сафинга Казанда XXVII Бөтендөнья Җәйге Универсиадага хәзерләнү һәм үткәрүдә иминлек тәэмин итүгә зур өлеш керткәне өчен II дәрәҗә “Чик буе хезмәте отличнигы” күкрәк билгесе тапшырды.

Матбугат хезмәте.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ