Татарстан Республикасы Транспорт һәм юл хуҗалыгы министрлыгы

Ленар Сафин үзенең яңа урынбасары белән таныштырды

2014 елның 5 феврале, чәршәмбе

Бүген Татарстан Республикасы транспорт һәм юл хуҗалыгы министры Ленар Сафин аппарат киңәшмәсе уздырды, ул анда үзенең яңа урынбасары Артем Чукин белән таныштырды.

Артем Чукин әлеге эш урынында юл тармагы буенча оста белгеч Юрий Кузьминны алыштырды. Ленар Сафин Юрий Викторовичның эштән чыгу турында шәхси үзенең карарга килүе турында ассызыклады. Шулай ук ведомство башлыгы Юрий Кузьминга нәтиҗәле, мөһим проектларга бай булган хезмәте өчен рәхмәт белдерде, аның югары профессионаллыгын, гаделлеген, югары әхлаклылыгын билгеләп үтте һәм яңа эшендә уңышлар теләде.

Артем Чукинга килгәндә, ул шулай ук юл блогын алып барачак. Аның бөтен хезмәт биографиясе юл тармагы белән бәйле. 2004 елда Казан дәүләт архитектура-төзелеш академиясен тәмамлагач “Волго-Вятскуправтодор” ФКУнә юл хуҗалыгы инспекторы булып килә. 2008 елның мартыннан июленә кадәр автомобиль юлларын эксплуатацияләү һәм юл хәрәкәте иминлеге бүлеге башлыгы булып эшләгән. 2008 елның июлендә “Волго-Вятскуправтодор” ФКУ башлыгы урынбасары итеп билгеләнгән һәм федераль әһәмияткә ия булган автоюлларны карап тоту һәм саклау буенча җаваплы булган. Җитәкче буларак, авыр шартларда үзенең профессионаллыгы һәм осталыгы аркасында дөрес һәм мөстәкыйль карар кабул итә белүе белән таныш. Элекке хезмәттәшләре билгеләп үткәнчә, оештыру сәләтенә ия, белемен өзлексез камилләштерә – юл тармагында яңа технологияләр белән кызыксына. Ленар Сафин А. Чукинга нәтиҗәле уңышлы эш теләде.

Министрлыкның матбугат хезмәте.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ