Татарстан Республикасы Хөкүмәте белән “Россия тимер юллары” ААҖ арасында 2014 – 2016 елларга үзара бәйләнеш турында Килешү имзаланды

2014 елның 29 гыйнвары, чәршәмбе
        Бүген Татарстан Республикасы Хөкүмәте һәм “Россия тимер юллары” ААҖ арасында 2014 – 2016 елларга тимер юл транспорты өлкәсендә үзара бәйләнеш һәм хезмәттәшлек турында Килешү имзаланды. Бу чара ТР Хөкүмәте Йортында узды, документка Татарстан Республикасы Премьер-министры Илдар Халиков һәм “Россия тимер юллары” ААҖ филиалы – Горький тимер юлы башлыгы Анатолий Лесун имзаларын куйдылар.
Килешүдә ике якның да тимер юл транспорты өлкәсендәге хезмәттәшлеге, шул исәптән тимер юлларда пассажирлар һәм авыр йөк ташуның үсеше, Татарстан Республикасы территориясендә тимер юл инфраструктурасын үстерү, боҗра тимер юлларын, транспорт-күчереп утырту төеннәрен оештыру буенча инвестиция проектларын гамәлгә ашыру һәм “Мәскәү – Казан – Екатеринбург” югары тизлекле тимер юл магистрале төзелешендә һәм проектлауда бергә эшләү каралган.
ТР Премьер-министры Илдар Халиков хәбәр иткәнчә, республика инвестиция проектларын гамәлгә ашыра барып, икътисади үсешен дәвам итә, һәм “Россия тимер юллары” ААҖ Татарстанның партнеры һәм зур инвесторы булып тора. Аерым алганда, “Россия тимер юллары” ААҖ Казандагы 2013 елгы җәйге Универсиаданы уздыруга әзерлек барганда җитди инфраструктура инвесторы булды, дип белдерде ул.
Очрашу барышында Анатолий Лесун автомобиль юллары белән тимер юллар кисешкән урыннарда юл хәрәкәте иминлеген тәэмин итү буенча бергә эшләүне активлаштыруны тәкъдим итте.
Илдар Халиков Горький тимер юлы вәкилләрен, тимер юлларда хәрәкәт иминлеген тәэмин итү мәсьәләләрен җентекләп өйрәнү өчен, Эчке эшләр министрлыгының ТР буенча ЮХИДИ оештырган конференциядә катнашырга чакырды.
ТР Президенты матбугат хезмәте.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International