КДАТУда киңәшмә узды, анда юл төзелешендә яңа материаллар һәм технологияләр каралды
Бүген Казан дәүләт архитектура-төзелеш университетында ТР транспорт һәм юл хуҗалыгы министры Фәрит Хәнифов, ТР транспорт һәм юл хуҗалыгы министры урынбасары Ранис Фәйзуллин, КДАТУның фәнни-техник эшчәнлек буенча проректоры Евгений Вдовин һәм КДАТУның транспорт корылмалары институты директоры Алексей Фомин республика территориясендә юл төзелешендә яңа материаллар һәм технологияләр куллану буенча киңәшмә үткәрделәр.
Киңәшмә барышында грунтны гидрофобизацияләү һәм күтәрү сәләтен ныгыту технологиясе, юл һәм күпер корылмалары өчен заманча чишелешләр комплексы, асфальт-бетон өстәлмәләрен модификацияләү, алюминий күперләр, җәяүлеләрнең иминлеген арттыру өчен программа-аппарат комплексы кебек темаларга докладлар тыңланды.
Шулай ук юлларның хезмәт итү вакытын озайту өчен икенчел ресурсларны куллану тәҗрибәсе, югары автоматлаштырылган транспорт чараларын һәм интеллектуаль транспорт системалары технологияләрен сынау өчен пилот зонасы проекты һәм башкалар турында фикер алыштылар.