Казанда илкүләм проект буенча Ленинград урамын ремонтлауга керештеләр
«Тормыш өчен инфраструктура» илкүләм проекты кысаларында Казан шәһәренең Авиатөзелеш районында Айдаров урамыннан Побежимов урамына кадәр булган өлешендә 1 км озынлыкта һәм 4 полоса киңлектә Ленинград урамын ремонтлау башланды.
Бүгенге көнгә күзәтү коеларының люкларын сүтү, асфальт-бетон өслекне фрезерлау, шулай ук юл кырыйларындагы ташларны алмаштыру һәм асфальт-бетон өслекне тигезләү буенча өлешчә эш башкарылган.
Хәзерге вакытта башкарылган эшләрнең якынча проценты 19% тәшкил итә.
Объектта 23 мең кв. метрдан артык мәйданда югары ныклы вак таш-мастикалы асфальт-бетон өслек җәеләчәк. Шулай ук юлчылар гомуми мәйданы 5 200 кв.метр булган тротуарларны ремонтлаячаклар, 2 900 погон метр юл ян ташын һәм 1 750 погон метр тротуар ян ташын алыштырачаклар.
Моннан тыш, юл хәрәкәте иминлеген тәэмин итү буенча да берничә эш башкарылачак. Аерым алганда, 2 юл билгесе куячаклар, 50 погон метр җәяүлеләр коймасы һәм 1 тукталыш павильоны куячаклар.