Татарстанда экологик икеайлык башланганнан бирле автомобиль юлларына бүлеп бирелгән полосадан 1600 кубометрдан артык чүп-чар җыелган

2026 елның 9 апреле, пәнҗешәмбе

Татарстан Республикасында 1 апрельдән торак пунктлар территорияләрен санитар чистартуны тәэмин итү һәм аларны халыкның экологик һәм санитар-эпидемиологик иминлеге таләпләренә җавап бирә торган хәлгә китерү буенча санитар-экологик икеайлык старт алды.

Бүгенге көнгә подряд оешмалары көче белән региональ әһәмияттәге гомуми файдаланудагы автомобиль юлларына бүлеп бирелгән полосадан 826,35 куб.м каты коммуналь калдыклар җыелган. Федераль әһәмияттәге автомобиль юлларына бүлеп бирелгән полосадан 774,188 куб.м чүп-чар җыелды.

Санитар-экологик икеайлык кысаларында транспорт комплексы предприятиеләре тарафыннан үткәрелә торган чараларны башкару эшләре дәвам итә.