Фәрит Хәнифов гражданнарны кабул итте
ТР Транспорт һәм юл хуҗалыгы министры Фәрит Хәнифов гражданнарны кабул итте. Татарстанның түләүле юлларыннан йөргән өчен штрафлар исәпләү мәсьәләсе буенча мөрәҗәгать каралды. Исегезгә төшерәбез, законда юл йөрү өчен түләү өчен 5 көн вакыт билгеләнгән. Аны автомобильнең дәүләт номерын күрсәтеп юлларның рәсми сайтларында ясарга кирәк: Вознесенский тракт (vtkazan.ru), " Алексеевск - Әлмәт» (m7-5.ru). Билгеләнгән вакытта юл хакы түләнмәсә, транспорт чарасы хуҗасы Татарстан Республикасы административ хокук бозулар кодексының 5.9 маддәсе буенча административ җаваплылыкка тартыла. Кергән мөрәҗәгать буенча гражданинга аңлату җавабы бирелде.
Шулай ук видеоконференцэлемтә режимында Әлмәт муниципаль районында яшәүчеләрнең «Каськи – Болгар 2 – Мөгезле Елга» һәм «Рус Акташы – Азнакай – «Новоникольск – «Урсай - Каськи» автомобиль юллары участокларын ремонтлау мәсьәләсе буенча мөрәҗәгате каралды. Әлеге мөрәҗәгать буенча министр Башкарма комитет, «Главтатдортранс» ДКУ, «Татнефтедор» ҖЧҖ һәм «Татарстан Республикасының пространстволы планлаштыру институты» ДБУ вәкилләре белән фикер алышты. Фәрит Хәнифов Министрлык белгечләренә бу мәсьәләне хәл итү өчен тәкъдимнәр кертергә кушты.
Исегезгә төшерәбез, Татарстан Республикасы транспорт һәм юл хуҗалыгы Министрлыгында гражданнарны кабул итү түбәндәге адрес буенча үткәрелә: Казан шәһәре, Н.Ершов урамы, 31а. Кабул итүгә 8 (843) 291-90-29 телефоны буенча язылырга мөмкин.