Горький тимер юлы Казанда юл-транспорт һәлакәтләрен профилактикалау буенча акцияләр оештырды
Горький магистрале хезмәткәрләре Татарстан башкаласында тимер юл кичүләрендә юл-транспорт һәлакәтләрен кисәтү буенча акцияләр уздырды. Аларда Дәүләт автоинспекциясе һәм район администрацияләре хезмәткәрләре катнашты.
Чаралар күптән түгел автомобильләр һәм поездлар бәрелешү очраклары булган кичүләрдә узды. 2026 ел башыннан Горький магистрале чикләрендә Татарстанда барлыгы ике юл-транспорт һәлакәте булган.
Рейдлар барышында машина йөртүчеләргә юлларны кисешкәндә юл хәрәкәте кагыйдәләрен үтәү зарурлыгы һәм тимер юл транспортының өстенлеге турында искәрттеләр. Акциядә катнашучылар машина йөртүчеләр белән әңгәмәләр үткәрделәр һәм тематик белешмәләр өләштеләр.
Горький тимер юлы машина йөртүчеләрне тимер юлларны кичкәндә уяу булырга һәм юл хәрәкәте кагыйдәләрен төгәл үтәргә чакыра.