Татарстанда илкүләм проектын гамәлгә ашыру кысаларында юл хәрәкәте иминлеген арттыру чаралары формалаштырылды
Юл эшләре планын гамәлгә ашыру кысаларында һәм «Тормыш өчен инфраструктура» илкүләм проекты буенча Татарстан Республикасында юл хәрәкәте иминлеген арттыру чаралары булдырылды.
Агымдагы елда республиканың 11 районында (автомобиль юлларының гомуми озынлыгы 11,576 км булган 11 участогында) тротуарлар төзү планлаштырыла. Шулай ук торак пунктлар аша уза торган төбәк әһәмиятендәге автомобиль юлларында, гомуми озынлыгы 91,21 км булган 27 муниципаль районның 62 участогында ясалма яктырту урнаштыру планлаштырыла.
Моннан тыш, икенчел юллар, торак пунктлар урамнары, халыкка хезмәт күрсәтү оешмалары һәм мәгариф оешмалары янында автомобиль юлларында ясалма тигезсезлекләр урнаштырылачак. Шулай ук барьер тибындагы металл киртәләр урнаштыруның адреслы исемлеге формалаштырыла.
Дәүләт автоинспекциясе Идарәсе белән берлектә автомобиль юлларының тавыш эффекты белән юл билгеләренең үзәк линиясен ясау планлаштырыла торган участоклары билгеләнә. 2025 елда төбәк юлларының гомуми озынлыгы 21,397 км булган 31 участогында тавыш эффекты белән юл билгеләре башкарылган.