«Зөя утрау-шәһәрчеге» нә сәфәр 2025 елда Татарстанда иң популяр тимер юл туры булды

Татарстан Республикасы Транспорт һәм юл хуҗалыгы министрлыгының йомгаклау коллегиясе кысаларында Татарстан Республикасының юл-транспорт тармагы хезмәткәрләренә дәүләт бүләкләре тапшыру тантанасы булды.

Татарстан Рәисе Рөстәм Миңнеханов Татарстан Республикасы Транспорт һәм юл хуҗалыгы министрлыгының йомгаклау коллегиясенең киңәйтелгән утырышында катнашты. Чара «Казан Экспо» да узды. Эштә шулай ук Бурятия Республикасы Башлыгы, Дәүләт Советының «нәтиҗәле транспорт системасы» юнәлеше буенча комиссия рәисе Алексей Цыденов катнашты.

Татарстан Республикасында гомуми файдаланудагы автомобиль юлларының гомуми озынлыгы 40,9 мең км тәшкил итә, шулардан федераль юллар - 1,4 мең км, төбәк юллары – 13,8 мең км, муниципаль юллар - 25,7 мең км.2025 елда 224 км артык федераль, төбәк һәм җирле юллар төзелгән һәм реконструкцияләнгән. 1464 км юлларга капиталь ремонт һәм ремонт ясалган.

Бүген Татарстан Республикасы Рәисе Рөстәм Миңнеханов катнашында «2025 елда юл-транспорт комплексы эшчәнлеге нәтиҗәләре һәм 2026 елга бурычлар турында» Татарстан Республикасы транспорт һәм юл хуҗалыгы Министрлыгы коллегиясенең киңәйтелгән утырышы узды.