Фәрит Хәнифов Росавтодор җитәкчесе белән очрашты

2025 елның 20 ноябре, пәнҗешәмбе

«Россия транспорты» форумы кырларында ТР транспорт һәм юл хуҗалыгы министры Фәрит Хәнифов Федераль юл агентлыгы җитәкчесе Роман Новиков белән очрашты.

Көн тәртибендәге төп мәсьәләләр арасында Татарстан Республикасында юл инфраструктурасын үстерү торды. Аерым алганда, төзелештә яңа технологияләр куллану.

Шулай ук Фәрит Хәнифов Росавтодор җитәкчесен министрлыкның 2026 елның гыйнварында узачак йомгаклау коллегиясендә катнашырга чакырды.