Фәрит Хәнифов «Россия транспорты» форумы кырларында берничә очрашу уздырды
ТР транспорт һәм юл хуҗалыгы министры Фәрит Хәнифов «АВТОБАН» компанияләр төркеме җитәкчелеге белән очрашу үткәрде. Яклар республиканың юл тармагында дәүләти-хосусый партнерлыкның перспектив инвестицион проектлары турында фикер алыштылар. Билгеләп үтик, "АВТОБАН" - Россиянең система барлыкка китерүче юл-төзелеш компаниясе. Россиянең 15 төбәге территориясендә федераль трассаларны һәм төбәк юлларын проектлау, төзү, реконструкцияләү һәм эксплуатацияләү белән шөгыльләнә. Юл-транспорт инфраструктурасында ДЧПНЫҢ гамәлгә ашырылган проектлары күләме буенча лидер булып тора.
Моннан тыш, министр «Автодор» дәүләт компаниясенең операторлык эшчәнлеге һәм кулланучылар сервисларын үстерү идарәсе рәисе урынбасары Константин Макиев белән очрашты, аның белән Татарстан Республикасы юлларында транспондерлар буенча түләүне кертү турында фикер алышты. Исегезгә төшерәбез, хәзер бу хезмәттән Казанда Вознесение трактының түләүле участогында файдаланырга була, ул 2025 елның 5 ноябреннән гамәлдә.