Министр Фәрит Хәнифовның юл хуҗалыгы хезмәткәрләре көне белән котлавы
Хөрмәтле республика юл хуҗалыгы хезмәткәрләре һәм ветераннары!
Сезне һөнәри бәйрәмегез - Юл хуҗалыгы хезмәткәрләре көне белән котлыйм!
Юл тармагы Татарстанның икътисады һәм социаль инфраструктурасы үсешендә аерым роль уйный. Сезнең тырышлык нәтиҗәсендә заманча транспорт маршрутлары булдырыла, төбәкнең инвестицион һәм туристик җәлеп итүчәнлеге арта. Трассалар һәм күперләр төзү, ремонтлау, автомобиль юлларын карап тоту — республикабызның киләчәгенә өлеш кертү ул. Сезнең фидакарь хезмәтегез һәм югары һөнәри осталыгыгыз юлларда иминлекне тәэмин итәргә һәм гражданнарыбызның тормыш сыйфатын яхшыртырга ярдәм итә.
Бу бәйрәм көнендә тармак ветераннарына, квалификацияле белгечләр үстерүчеләргә һәм һөнәрнең иң яхшы традицияләрен саклап калучыларга аерым рәхмәт белдерәм. Хезмәтегез өчен рәхмәт!
Яңа проектларның уңышлы тормышка ашырылуын, кыю ниятләрнең тормышка ашуын һәм билгеләнгән максатларга ирешүләрен телим! Сезгә һәм якыннарыгызга нык сәламәтлек, бәхет, озын гомер, игелек, тынычлык!
Татарстан Республикасы
транспорт һәм юл хуҗалыгы министры
Ф.М. Хәнифов