Татарстанда Арча-Марий Эл Республикасы чиге автомобиль юлын ремонтлау төгәлләнде
«Тормыш өчен инфраструктура» илкүләм проекты кысаларында Татарстан Республикасы Арча муниципаль районында Арча — Марий Эл Республикасы чиге автомобиль юлының 11,3 - 14,9 км участогы ремонтланды. Ремонтланган участокның озынлыгы 3,6 км тәшкил итә.
Объектта булган асфальт-бетон өслекне фрезерлау, А16Нн асфальт-бетон катнашмасыннан тигезләүче катлам ясау, төп юлга 25 мең кв. метрдан артык мәйданда ЩМА-8 вак таш-мастик асфальт-бетон өслеген салу һәм төп юлда 340 кв. м мәйданда А16Вл асфальт-бетон катнашмасыннан катлам салу эшләре башкарылган.
Шулай ук юл кырыйлары 7400 кв.м. мәйданда М-800 вак таш-ком катнашмасы һәм 3300 кв. м. мәйданда асфальт гранулятор белән ныгытылган. Моннан тыш, яңа автопавильон урнаштырылган һәм юл тамгалары ясалган.
Эшләрне «Татавтодор» АҖ подряд оешмасы башкарды.