Татарстанда илкүләм проект буенча Баулы районында юл ремонтланган

2025 елның 8 сентябре, дүшәмбе

«Тормыш өчен инфраструктура» илкүләм проекты кысаларында Татарстан Республикасы Баулы муниципаль районында Потапово - Томбарла - Татар Кандызы автомобиль юлының 5,0 - 7,4 км участогы ремонтланды. Ремонтланган участокның озынлыгы 2,412 км тәшкил иткән.

Объектта булган асфальт-бетон өслекне фрезерлау, упкыннарны бетерү, А11НН вак бөртекле асфальт-бетон катнашмасыннан тигезләүче катлам салу, 14 мең квадрат метрдан артык мәйданда А16ВН асфальт-бетон катнашмасыннан өслекнең өске катламын урнаштыру, юл кырыйларын ныгыту буенча эшләр башкарылды һәм юл тамагалары сызылды.

Эшләрне «Татнефтедор» ҖЧҖ подряд оешмасы башкарды.