Фәрит Хәнифов Актаныш районында төбәк юлларын карап чыкты
Бүген ТР транспорт һәм юл хуҗалыгы министры Фәрит Хәнифов ТР Актаныш муниципаль районында төбәк автомобиль юлларын йөреп чыкты. Анда шулай ук район башлыклары, «Главтатдортранс» ДКУ һәм подряд оешмалары вәкилләре катнашты.
Министр район башлыгы Ленар Зарипов белән бергә Качкын авылында М-7 трассасында урнашкан Базян елгасы аша күпер төзелеше белән танышты. Алар төзүчеләр белән аралаштылар, юл төзүчеләр объектта эшләрнең график һәм технологик таләпләрне үтәп башкарылуы турында хәбәр иттеләр.
Аннары Түке-Татар Ямалы автомобиль юлын карадылар, анда юл өслеген киң колачлы яңарту бара. Фәрит Хәнифов шулай ук Ленин проспектына, Актанышның төп транспорт артериясенә капиталь ремонт ясау эшләрен карады.
Тикшерүләр нәтиҗәләре буенча, министр 2025-2027 елларга юл эшләре программасына кертелгән чараларны үтәү һәм шулай ук 2026-2028 елларга перспективалар буенча киңәшмә үткәрде. Алдагы өч елга планлаштырылган объектларны төзүгә, реконструкцияләүгә һәм ремонтлауга аерым игътибар бирелде.
Шулай ук район торак пунктларының урам-юл челтәренең торышы, муниципалитетта вак ташлы автомобиль юлларының саны һәм торышына кагылышлы мәсьәләләрне карадылар. Моннан тыш, бетон автомобиль юлларын төзү проектларын гамәлгә ашыру перспективалары турында фикер алыштылар.
Киңәшмә азагында Актаныш муниципаль районының Татарстан Республикасы транспорт Министрлыгы белән килешүгә әзерлек статусы каралды, ул якларның муниципалитетның юл инфраструктурасын үстерү буенча планнарын һәм йөкләмәләрен беркетергә тиеш.
Бүген Фәрит Хәнифов эш визиты белән Минзәлә муниципаль районында да булды.
Минзәлә районы башлыгы Айдар Сәлахов белән очрашу барышында кайбер объектларны карап чыктылар, болар - М-7 «Идел» – Иске Иркәнәш – Татар Мөшеге автомобиль юлы 6+591-8+591 км участогы, ул «Тормыш өчен инфраструктура» илкүләм проекты кысаларында ремонтланган. Шулай ук Минзәлә шәһәре урамнары - Муса Җәлил, Карл Маркс, Октябрь урамнары.
Аннары Фәрит Хәнифов администрациянең утырышлар залында 2025-2027 елларда юл эшләре программасына кертелгән чараларны үтәү һәм 2026-2028 елларга перспективалар турында киңәшмә үткәрде.