Татарстанда илкүләм проект буенча Мөслим – Биләр автомобиль юлы участогы ремонтланды
Татарстан Республикасы Алексеевск муниципаль районында «Тормыш өчен инфраструктура» илкүләм проекты буенча гомуми озынлыгы 2,876 км булган 9,0 – 10,7 км, 14,5 – 15,7 км участокларында Мөслим – Биләр автомобиль юлын ремонтлау төгәлләнде.
Объектта булган асфальт-бетон өслекне фрезерлау, А16НН асфальт-бетон катнашмасыннан тигезләүче катлам салу, 20 мең кв.м мәйданлы ЩМА-11 вак таш-мастикалы асфальт-бетон өслеген урнаштыру, юл кырыйларын 8 мең кв. м мәйданда асфальт-гранулятор белән ныгыту эшләре башкарылган.
Эшләрнең заказчысы - «Главтатдортранс» ДКУ, подряд оешмасы - «Алексеевскдорстрой» ААҖ.
Исегезгә төшерәбез, агымдагы елда «Тормыш өчен инфраструктура» илкүләм проекты кысаларында гомуми озынлыгы 200 км дан артык булган 131 объектта эшләр башкару, шул исәптән 13,5 км төбәк әһәмиятендәге юлларны ремонтлау планлаштырыла.