Татарстанда Яшел Үзән районындагы Түбән Карамалы – Албаба станциясе автомобиль юлын ремонтлауга керештеләр
«Тормыш өчен инфраструктура» илкүләм проекты кысаларында Татарстан Республикасы Зеленодольск муниципаль районында Карамалы Тау – Албаба станциясе автомобиль юлының 4,5 – 7,9 км участогы ремонтлана. Ремонтлана торган участокның озынлыгы 3,3 км тәшкил итә.
Бүгенге көнгә «Автодорстрой» ҖЧҖ тарафыннан гамәлдәге асфальт-бетон өслекне фрезерлау һәм А16НН асфальт-бетон катнашмасыннан тигезләүче катлам урнаштыру эшләре башкарылды.
Объектта юлчылар шулай ук төп юлга 23 мең кв. метрдан артык мәйданда А16Вн асфальт-бетон катнашмасыннан өске катлам салу һәм 9,5 мең кв. метрдан артык мәйданда юл кырыйларын асфальт-гранулятор белән ныгыту эшләрен башкарачаклар, шулай ук юл билгеләре ясаячаклар.
Исегезгә төшерәбез, агымдагы елда Татарстанда «Тормыш өчен инфраструктура» илкүләм проекты буенча 200 км дан артык автомобиль юлы норматив хәлгә китереләчәк.