Вознесение трактының икенче этабы буенча 1 млн 160 меңнән артык автомобиль узган
2025 елның 10 мартыннан Вознесение трактының икенче этабы буенча 1 161 800 автомобиль узды. 10 марттан башлап тәүлеккә уртача 12 мең 300 транспорт чарасы йөри. Вознесение тракты буенча йөрүләр саны Мамадыш трактындагы трафикның уртача 25,8% ын тәшкил итә.
Исегезгә төшерәбез, хәрәкәт 2024 елның 26 декабрендә ачылды. Тантанада видеоконференцэлемтә аша Россия Федерациясе Хөкүмәте Рәисе урынбасары Марат Хөснуллин һәм Татарстан Республикасы Рәисе Рөстәм Миңнеханов катнашты. "Вознесение трактының икенче этабы - бу объект 27 млрд сум тора - әлбәттә, федераль ярдәмнән башка бу мөмкин булмас иде. Безнең ил тарихында шулкадәр транспорт инфраструктурасы беркайчан да төзелмәгән. Безнең республика мисалында федераль объектлар гына түгел, шәһәр объектлары һәм төбәк әһәмиятендәге юллар төзелүен күрәбез", - дип билгеләп үтте Татарстан Рәисе.
Юл «Ирекле агым» түләү системасы белән җиһазландырылган, шуның өчен машина йөртүчеләр трассаны тукталышсыз уза алалар. Юлда йөргәннән соң, автомобильнең дәүләт номерын күрсәтеп трассаның рәсми сайтында 5 көн эчендә түләргә кирәк https://vtkazan.ru/.
Юлда ярдәм алу һәм түләү мәсьәләсе буенча консультация алу өчен кыска номер 0216 (Татарстанның түләүле юллары буенча бердәм ярдәм номеры) гамәлдә.