Казанда юл илкүләм проекты буенча Әмирхан Ениики урамын ремонтлауга керештеләр
«Тормыш өчен инфраструктура» илкүләм проекты буенча юлчылар Татарстан Республикасы Казан шәһәре Вахитов районындагы Әмирхан Еники урамындагы (Вишневский урамыннан Иптәшләр урамына кадәрге) автомобиль юлының 0,3 км озынлыктагы һәм 2 полосалы участогын ремонтлый башладылар.
Бүгенге көнгә «Автодорстрой» ҖЧҖ тарафыннан күзәтү коелары люкларын сүтү, асфальт-бетон өслекне фрезерлау һәм асфальт-бетон өслекне тигезләү буенча эшләр башкарылган.
Объектта 8 040 кв. м мәйданда югары ныклы вак таш-мастикалы асфальт-бетон өслек җәеләчәк, шулай ук гомуми мәйданы 1100 кв.м булган тротуарлар ремонтланачак, 980 погон метр юл ян ташы һәм 470 погон метр тротуар ян ташы алыштырылачак.
Моннан тыш, юл хәрәкәте иминлеген тәэмин итү буенча да берничә эш башкарылачак. Аерым алганда, 10 юл билгесе куячаклар һәм 200 пог.м җәяүлеләр киртәләре куячаклар.
Исегезгә төшерәбез, агымдагы елда илкүләм проект кысаларында республикада юл-төзелеш чаралары исәбенә агломерацияләр автомобиль юлларының һәм Россиянең терәк челтәренә керүче төбәк юлларының норматив торышының кимендә 85% саклап калырга кирәк. Шулай ук, илкүләм максат буларак, 2030 елга төбәк юлларының 60% норматив халәткә җиткерү билгеләнгән. Шул ук вакытта 2025 елда республикада юлларның норматив халәтенең кимендә 52,2% ирешергә кирәк.