Казанда юл илкүләм проекты буенча Гадел Кутуй урамы ремонтланачак
«Тормыш өчен инфраструктура» илкүләм проекты буенча Гадел Кутуй урамы Гвардия урамыннан алып Казан шәһәренең Совет районындагы Альберт Камалеев проспектына кадәр 1,1 км озынлыкта һәм 4 полоса киңлектә ремонтланачак.
Объектта юлчылар 19 мең кв.метрдан артык мәйданда Югары ныклы вак таш-мастикалы асфальт-бетон өслек җәячәкләр, гомуми мәйданы 2 мең кв. метр булган тротуарларны ремонтлаячаклар, 1 300 погон метр юл ташын һәм 950 погон метр тротуар ташын алыштырачаклар.
Моннан тыш, юл хәрәкәте иминлеген тәэмин итү буенча да берничә эш башкарылачак. Аерым алганда, 19 юл билгесе, 5 тукталыш павильоны һәм юл билгеләре куелачак.
Исегезгә төшерәбез, агымдагы елда илкүләм проект кысаларында республикада юл-төзелеш чаралары исәбенә агломерацияләр автомобиль юлларының һәм Россиянең терәк челтәренә керүче төбәк юлларының норматив торышының кимендә 85% саклап калырга кирәк. Шулай ук, илкүләм максат буларак, 2030 елга төбәк юлларының 60% норматив халәткә җиткерү билгеләнгән. Шул ук вакытта 2025 елда республикада норматив халәтнең кимендә 52,2% ирешергә кирәк.