Фәрит Хәнифов тимер юлчыларга – Социалистик Хезмәт Геройларына бюстлар ачуда катнашты
Бүген Казанда Горький тимер юлында 27 мартта билгеләп үтелә торган бердәм машинист көненә багышланган митинг узды. Тантаналы чарада Социалистик Хезмәт Геройлары – тимер юлчылар Василий Вырин, Иван Журин һәм Александр Павлов бюстларын ачтылар. Алар «Юдино-Казанский» сервис локомотив депосы территориясендә урнаштырылган.
Чарада генераль директор урынбасары – «РЖД» ААҖ филиалы Дирекциясе башлыгы Дмитрий Пегов, Горький тимер юлы – «РЖД» ААҖ филиалы башлыгы Сергей Дорофеевский, ТР транспорт һәм юл хуҗалыгы министры Фәрит Хәнифов, тимер юлчылар, тармак ветераннары, Социалистик Хезмәт Геройларының туганнары катнашты.
"Машинист һөнәре – тимер юл транспортында алып баручы. Бу һөнәр иясеннән башка бер генә поезд да хәрәкәткә килмәячәк. Хәзер бездә Локомотив бригадаларының 120 меңнән артык әгъзасы бар, аларның яртысыннан артыгы – төрле төрдәге машинистлар. Мин үзем озак вакыт машинист булып эшләдем, шуңа күрә моның нинди авыр хезмәт икәнен аңлыйм", - диде Дмитрий Пегов.
Сергей Дорофеевский бүген Социалистик Хезмәт Геройлары булган тимер юлчылар истәлеген мәңгеләштерү буенча акция старт алачагы турында сөйләде.
Фәрит Хәнифов Россия тимер юллары һәм Горький тимер юллары җитәкчелегенә тармакның күренекле хезмәткәрләре истәлеген мәңгеләштерү буенча корпоратив сәясәт алып барулары өчен рәхмәт белдерде. "Бүген без батырлык һәм намус турындагы хәтерне мәңгеләштерү сәясәтенең тормышка ашырылуына шаһит булдык. Бөек Җиңү көне алдыннан ата – бабаларыбызны искә алу чараларын үткәрү бик кыйммәтле», - дип ассызыклады ул.
«Россия тимер юллары» ААҖдә 2023 елдан башлап мартның соңгы җомгасында тимер юл династияләренең дәвамчанлыгын ныгыту һәм машинист һөнәренең абруен күтәрү максатларында Машинист көнен билгеләп үтәләр.