Татарстанда милли проект кысаларында Казан агломерациясендә 21 км дан артык автомобиль юлы яңартылачак
2025 елда «Тормыш өчен инфраструктура» илкүләм проекты буенча Казан агломерациясендә гомуми озынлыгы 21 км дан артык булган 17 объектта төзелеш-монтаж эшләре башкарылачак.
Аерым алганда, Казанда Әмирхан Ениики урамына Вишневский урамыннан алып Вахитов районының Иптәшләр урамына кадәр капиталь ремонт ясалачак. Агымдагы елда республика башкаласында барлыгы 12 юл участогы ремонтланачак.
Шулай ук ТР Югары Ослан муниципаль районында «Казан – Ульяновск» – Соболевское – Чулпаниха автомобиль юлына, 6,1 – 8,1 км юлларга капиталь ремонт ясалачак.
Татарстан Республикасы Биектау муниципаль районында подряд оешмалары 4,3 км-8,8 км участогында «Алан – Бәксәр – Ары урман хуҗалыгы» автомобиль юлына капиталь ремонт ясаячак.
Татарстан Республикасы Лаеш муниципаль районында Урта Девятово – Татар Янтыгы автомобиль юлын капиталь ремонтлауның 2 этабын 1,0 – км 8,8 км һәм 11,0 – км 12,5 км участокларында башкарачаклар.
Югарыда күрсәтелгән чараларны үтәү «Тормыш өчен инфраструктура» илкүләм проектының түбәндәге күрсәткечләренә ирешергә мөмкинлек бирәчәк: региональ әһәмияттәге автомобиль юллары өлеше - 52,23%, эре шәһәр агломерацияләренең юл челтәре өлеше - 85,27%.