Горький тимер юллары Татарстанда контейнерлар ташуны үстерәчәк
Бу хакта 2025 елның 18-20 мартында Мәскәүдә уза торган TransRussia транспорт-логистика хезмәтләре, склад җиһазлары һәм технологияләре 29 нчы Халыкара күргәзмәсе кысаларында терминал-склад комплексы белән идарә итү буенча Горький дирекциясе башлыгы Отар Бердзенишвили белдерде.
Чара барышында «Россия тимер юллары» ААҖ һәм FESCO транспорт төркеме Түбән Новгород өлкәсенең Доскино һәм Татарстан Республикасының Тихорецкая станцияләреннән контейнерлар ташуны үстерү өлкәсендә хезмәттәшлек турында килешү төзеделәр. Документка терминал-склад комплексы белән идарә итү буенча Горький дирекциясе башлыгы Отар Бердзенишвили һәм «Феско интеграцияләнгән Транспорт» башкарма директоры Леонид Шляхтуров кул куйдылар.
"Уртак тырышлыклар контейнер ташуларның икътисади җәлеп итүчәнлеген арттырырга, аларны системалырак һәм даими итәргә, шулай ук Россия тимер юллары йөк терминалларында йөк төяү күләмнәрен арттырырга мөмкинлек бирәчәк», – дип ассызыклады Отар Бердзенишвили.
Доскино һәм Тихорецкая станцияләрендә терминалларны үстерү контейнер поездларының даими хәрәкәтен тәэмин итү өчен йөкләр номенклатурасын киңәйтүне, өстәмә йөк базасын җәлеп итүне, шулай ук «РЖД» ААҖ клиентларына хезмәт күрсәтү сыйфатын арттыруны күздә тота.