Татарстан Республикасы Транспорт һәм юл хуҗалыгы министрлыгы

27 нче октябрь - автомобиль һәм шәһәр пассажир транспорты хезмәткәрләре көне

2013 елның 25 октябре, җомга

Татарстан Республикасы Транспорт һәм юл хуҗалыгы министры Ленар Сафин һөнәри бәйрәмнәре белән автомобиль һәм шәһәр пассажир транспорты хезмәткәрләрен һәм ветераннарын котлады:

Хөрмәтле автомобиль һәм шәһәр пассажир транспорты хезмәткәрләре!

Сезне ихлас күңелдән һөнәри бәйрәмегез белән котлыйм!

Татарстанның тормышы күп яктан транспорт тармагы эшчәнлеге белән бәйле. Автомобиль транспорты көн саен республикада йөзләрчә мең пассажир, меңнәрчә тонна йөк ташый, нефть һәм химия комлекслары, социаль өлкә эшчәнлеген тәэмин итә.

Безнең транспорт предприятиеләренә республика халкына, килгән кунакларга хезмәт күрсәтү, торак пунктларны бәйләү, транспортның үтемлелеген тәэмин итү буенча зур социаль җаваплылык йөкләнгән. Татарстанда әлеге дәүләт бурычларын хәл итү өчен мөһим проектлар гамәлгә ашырыла. “Казан” халыкара аэропорты модернизацияләнде, интермодаль тармак эшләтеп җибәрелде, “Казан-2” транспорт узелы төзелде, метроның яңа өч станциясе сафка басты (“Яшьлек”, “Төньяк вокзал” һәм “Авиатөзелеш” станцияләре).

Ирешелгәннәр белән генә туктап калмыйча, алга яңа бурычлар куябыз. Казанда магистральләр буйлап боҗралы хәрәкәтне оештыру, Мәскәү-Казан югары тизлекле магистрале төзелеше, төбәкләр арасында авиаэлемтәләрне үстерү, җәмәгать транспортын модернизацияләү – әнә шундыйлардан.

Транспорт тармагы ветераннары һәм коллегалар! Сезне якынлашып килүче бәйрәм белән котлыйм! Фидакарь хезмәтегез, югары һөнәри осталыгыгыз ярдәмендә зур нәтиҗәләргә ирешәсез һәм алга кыю бурычлар куясыз. Сезгә һәм якыннарыгызга нык сәламәтлек, бәхет, муллык телим!

Матбугат үзәге.

БАРЛЫК ЯҢАЛЫКЛАРНЫ УКУ