Милли юл проекты кысаларында Рус Макылы авылында Клянчейка елгасы аша күпер реконструкцияләнде
Татарстан Республикасы Югары Ослан муниципаль районында Рус Макылы авылында Клянчейка елгасы аша күпер реконструкцияләнде. Эшләр «Имин сыйфатлы юллар» милли проекты кысаларында башкарылды. Чараны гамәлгә ашыру өчен Татарстан Республикасы һәм Россия Федерациясе бюджетыннан 59 млн сумнан артык акча бүлеп бирелгән.
Күпернең озынлыгы 24,8 метр, күпер белән эшләү участогының озынлыгы 74 метрдан артык. Күпернең йөрү өлеше киңлеге - 7 метр, хәрәкәт полосалары саны – 2 метр.
Объектта җир асты суүткәргечен үзгәртеп кору, пролет төзелешен монтажлау эшләре башкарылган. Шулай ук күперне өем белән тоташтыру, деформацияле җөйләр, күпергә якын килү юллары, күпер өслеге һәм оештырылган су агызу чаралары үткәрелде. Күпернең юл өлеше асфальт-бетоннан түшәлгән.
Эшләрне «Стройсервис ПКФ» ҖЧҖ генераль подрядчысы башкарды.
Исегезгә төшерәбез, агымдагы елда милли юл проекты буенча 745 пог.м озынлыгында 19 күпер файдалануга тапшырыла.