XI Халыкара махсуслаштырылган «Юл 2024» күргәзмәсе үз эшен төгәлләде
Исегезгә төшерәбез, чара Екатеринбург шәһәрендә 15-17 октябрь көннәрендә уздырылды. «Екатеринбург-Экспо» мәйданчыгында экспозицияләр күрсәтелде һәм тематик чаралар узды. Алар барышында юл тармагының мөһим мәсьәләләрен күтәрделәр, тәҗрибә һәм инновацион чишелешләр белән уртаклаштылар.
Бу вакыт эчендә күргәзмә кысаларында РОСДОРНИИ һәм БелдорНИИ, РУТ һәм СИБУР хезмәттәшлек турында килешүләр имзалады. Шулай ук юлда өйрүчеләргә уңай шартлар булдыру, юл йөрү кагыйдәләрен халыкка аңлатуны арттыру һәм мәгълүмати модельләштерү технологияләре турында сөйләштеләр.
Моннан тыш, «Имин сыйфатлы юллар» милли проектына башлангыч йомгаклар ясадылар һәм аның варисы — «Яшәү өчен инфраструктура» милли проектын формалаштыру этаплары турында фикер алыштылар.
Павильоннарда төбәкләрнең, шул исәптән Татарстан Республикасының стендлары күрсәтелде, анда юл хуҗалыгы һәм транспорт инфраструктурасы үсешенең төп күрсәткечләре чагылыш тапты.
Шулай ук күргәзмә кысаларында төп вакыйга — юл хуҗалыгы хезмәткәрләренең Бөтенроссия съезды уздырылды. Ул 110 ел элек салынган традициянең яңарышы булды.