Горький тимер юлы ноябрь – январь айларында 2,8 млн кубометр кар чыгарган
2023/2024 елларның кышкы чоры башыннан Горький тимер юлы станцияләреннән һәм араларыннан кар җыю техникасы белән 8,25 мең рейс башкарылган, 2,8 млн м3 кар чыгарылган. Бу узган сезон күрсәткеченнән 18% ка артыграк.
2023 елның ноябреннән 2024 елның гыйнварына кадәр кар чистарту техникасы белән 40 мең км юл чистартылган, бу узган елгы күрсәткечтән 8% ка артык. Карның максималь күләме 2024 елның 19-26 гыйнварында чыгарылган.
Карны җыю һәм чыгару өчен 109 берәмлек кар җыю һәм кар чистарту техникасы җәлеп ителгән. Шуларның 55е-кар җыю машиналары, 29ы-плужлы кар чистарткычлар, 17е-пневмо өрү машиналары һәм 8е-кар чистарткычлар.
Кышкы чорда эшләгәндә Горький тимер юлында пассажирлар комплексына аерым игътибар бирелә. Пассажирларны йөртүнең уңайлы шартларын тәэмин итү өчен шәһәр яны хәрәкәтләнүче составына да, ерак юлга баручы поездлар вагонына да комплекслы техник хезмәт күрсәтү уза.
Вокзалларда һәм станцияләрдә атна саен яктырту аппаратурасы, компрессор җайланмалары, стрелкалы күчерүләрнең пневмообдув җайланмалары һәм элемтә системалары ревизиясе үткәрелә. Шулай ук барлык хезмәт-техник биналар һәм корылмалар, җылылык белән тәэмин итү объектлары тикшерелә.
Моннан тыш, пассажир платформаларын, җәяүлеләр күперләрен һәм тоннельләрен кардан һәм боздан чистартуны контрольдә тоту көчәйтелгән. Дәүләт тимер юллары хезмәткәрләре подряд оешмалары белән берлектә көн саен вокзаллар һәм станцияләр территориясен боздан чистарталар, платформаларга ком һәм реагентлар сибәләр. Платформаларның санитар торышын контрольдә тоту участок башлыклары һәм машинистлар тарафыннан оештырыла.