21 меңнән артык аз хәрәкәтләнүче пассажир Горький тимер юл вокзалларында озата бару хезмәтләреннән файдаланган
2023 елның гыйнвар-октябрь айларында Горький магистрале вокзал комплекслары территориясендә 21,3 мең аз хәрәкәтләнүче пассажирга махсуслаштырылган ярдәм күрсәтелгән, бу узган елның шул ук чорына караганда 25% ка югарырак.
Мобильлеккә ярдәм итү үзәгенә Түбән Новгород (4708 кеше), Киров (3999 кеше), Казан – 1 (2335 кеше), Ижевск (1489 кеше) һәм Казан Восстание (1063)тимер юл вокзаллары пассажирларыннан иң күп гаризалар килгән
«РЖД» ААҖнең Мобильлеккә ярдәм итү үзәге хезмәткәрләре физик мөмкинлекләре чикләнгән пассажирларны каршы алалар, юл йөрү документларын рәсмиләштерергә ярдәм итәләр, вокзал комплексы территориясендә хәрәкәт иткәндә һәм поездга утырганда озата баралар. Моннан тыш, кирәк булганда пассажирга кресло-коляска бирәчәкләр, шулай ук багаж ташуда ярдәм итәчәкләр.
Исегезгә төшерәбез, тимер юл вокзалларында ярдәм күрсәтүгә гаризалар мобильлеккә ярдәм итү үзәгендә түбәндәге телефон буенча кабул ителә: 8 (800) 775-00-00. Гаризаны сәяхәткә өч тәүлек кала калдырырга мөмкин, әмма хезмәт күрсәтү вакытына 24 сәгать кала.
Мобильлеккә ярдәм итү үзәге хезмәтләре турында тулырак мәгълүматны «РЖД»ААҖ сайтында алырга мөмкин.
Өстәвенә, 2023 елда аз хәрәкәтләнүче пассажирлар өчен пассажир инфраструктурасын яраклаштыру кысаларында Ижевск тимер юл вокзалындагы барлык платформаларны яңарту тәмамланды. Шәһәр яны вокзалының керү төркеме ремонтлана, вокзал яны мәйданы ягыннан яңа пандус төзелә. Асфальт япма җир өстендәге тактиль күрсәткечләре булган брусчаткага алыштырылган. Атмосфера явым-төшемнәрен читкә алып китү өчен яңа яңгыр системасы җиһазландырылган. Яктырту баганалары монтажланган һәм тоташтырылган.