Татарстанда милли проект кысаларында 25 светофор объектын яңарталар
Бу хакта кичә “Казан Экспо” халыкара күргәзмә үзәгендә региональ үсеш буенча Хөкүмәт комиссиясе президиумы утырышы кысаларында узган “Татарстан Республикасы юл хуҗалыгын цифрлы үстерү” панель дискуссиясендә ТР транспорт һәм юл хуҗалыгы министры урынбасары Артем Чукин сөйләде.
«Татарстан Республикасының интеллектуаль транспорт системалары элементларын (ИТС) кертү буенча 10 елдан артык тәҗрибәсе бар. Бу вакыт эчендә юл хәрәкәтендә катнашучыларның куркынычсызлыгын күтәрүгә һәм уңайлылыгын арттыруга төп йогынты ясаган ИТСның 13 подсистема булдырылды һәм эшләп килә ", - дип сөйләде министр урынбасары.
2020 елда үзәк системага тоташтырылган һәм адаптив идарәне гамәлгә ашыручы адаптив светофор объектлар (юл чатлары) саны 193 данәгә җитте. «Шәһәр агломерацияләрендә ИТСны үстерү программасы ярдәмендә «Имин сыйфатлы юллар» милли проекты кысаларында без өстәмә рәвештә 58 светофор объектын яңарттык, ә быел тагын 25 не модернизацияләүгә контракт төзедек», - диде Артем Чукин. Хәзерге вакытта идарәнең үзәк системасына 229 юл чаты һәм 1057 транспорт детекторы тоташтырылган, бу юл чатларында транспорт тоткарлыкларының 30-50 %ын кыскарту, техник чаралар хәрәкәтенең уртача тизлеген 10-15 %ка күтәрү һәм урам-юл челтәрен үтү вакытының 10-20 %ына кыскарту мөмкинлеген бирде.