“Татарстан” авиакомпаниясе очулар расписаниесенә үзгәрешләр кертә

      «Татарстан» авиакомпаниясе Идел буе федераль округы кысаларында 29 нчы июльдән 21 нче сентябрьгә кадәр вакытка очулар расписаниесенә үзгәрешләр кертә.

      Расписаниедә Уфа – Самара – Уфа рейсы барлыкка килде. Әлеге юнәлеш буенча рейс 9 урынлы Cessna Grand Caravan 208 очкычында сишәмбе, пәнҗешәмбе, шимбә һәм якшәмбе көннәрендә тормышка ашырылачак.

      Казан – Уфа – Казан маршрутында көн саен очулар кертелде.

      Казан – Пермь – Казан маршрутында очулар ешлыгы арта – рейслар сишәмбе, пәнҗешәмбе, шимбә һәм якшәмбе көннәрендә оештырылган.

      Казан – Киров – Казан маршруты буенча расписание уңайлырак булачак. Хәзер очу көннәре - дүшәмбе, чәршәмбе һәм җомга.

      Һәм “Татарстан” авикомпаниясенең тагын бер яңалыгы: хәзер Казаннан Саратов һәм Пензага Самарада туктамыйча эләгеп була.

      Тулырак мәгълүматны 8(800) 333-23-43 телефон номеры буенча һәм авиабилет кассаларыннан белергә мөмкин.