12 сентябрьдән Кама елгасы аша күпердә хәрәкәт чикләнәчәк

2022 елның 9 сентябре, җомга

2022 елның 12 сентябреннән 3 октябренә кадәр Кама елгасы аша күпернең түбән очында хәрәкәт ябылачак. 

Биредә Яр Чаллыда Түбән Кама ГЭС корылмалары буенча күпернең түбән очындагы асфальт-бетон өслек катлавын торгызу эшләре планлаштырылган. 

Эшләр җитештергәндә хәрәкәт күпернең югары очында оештырылачак. Машина йөртүчеләрнең игътибарлы булуын һәм алдан ук үз маршрутын планлаштыруын сорыйбыз.