Татарстан Республикасы Транспорт министрлыгында төзелеш техникасы импортын алмаштыру мәсьәләсе буенча киңәшмә узды
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы транспорт һәм юл хуҗалыгы министры Фәрит Хәнифов катнашында киңәшмә узды, анда юл-төзелеш техникасын һәм җайланмаларын импортка алмаштыру мәсьәләсе каралды.
Чарада катнашучылар арасында «ЕлАЗ җитештерү берләшмәсе» АҖ генераль директоры Камил Галимов, «ТатМаш» вәкиле Алексей Соломатов, Татарстан Республикасы сәнәгать һәм сәүдә министры урынбасары Родион Карпов һәм КДАТУ кафедрасы мөдире Рөстәм Сәхапов бар иде.
Киңәшмә барышында «ТатМаш» һәм «ПО ЕлАЗ» АҖ вәкилләрен республика территориясендә автомобиль юлларын төзегәндә, ремонтлаганда һәм саклаганда кулланыла торган чит ил техникасының аналогларын җитештерү мөмкинлекләре турында тыңладылар.
Чара йомгаклары буенча, үзебездә җитештерелгән аналогларны алыштыру ихтималын күрсәтеп, юл-төзелеш машиналары һәм җиһазлар җитештерүче предприятиеләр белән элемтә схемасын оештыру һәм кирәкле җиһазларны һәм техниканы проектлауга техник биремне әзерләү буенча эшче төркем төзү турында карар кабул ителде.