Казаннан Түбән Новгородка электр поезды җибәрәчәкләр

2022 елның 29 июле, җомга

2022 елның 4 августыннан Казан шәһәреннән Түбән Новгород шәһәренә электрпоездлары йөри башлаячак. Ике башкала арасында чәршәмбе көненнән кала поездлар атнага 6 көн хәрәкәт итәчәк.

Электр поезды Казаннан 05:10 сәг. китәчәк һәм Түбән Новгородка 11:30 сәг килеп җитәчәк, Түбән Новгородтан Татарстан башкаласына поезд 16:08 сәгатьтә китеп һәм 22:28 сәг. килеп җитәчәк.  

Билетларны сатып алу мөмкинлеге якын арада "Россия тимер юллары" ААҖ рәсми сайтында, "Россия тимер юллары Пассажирларга" мобиль кушымтасында, шулай ук шәһәрара тимер юл кассаларында барлыкка киләчәк.