Фәрит Хәнифов Дәүләт Думасының икътисади сәясәт комитеты рәисе Максим Топилин белән очрашты
Министрлыкта ТР транспорт һәм юл хуҗалыгы министры Фәрит Хәнифов һәм Дәүләт думасының икътисади сәясәт комитеты рәисе Максим Топилин очрашуы узды. Очрашу барышында Казанда һәм Чаллыда тимер юл вокзалларында гамәлгә ашырылырга ниятләгән гражданнарның аз мобильле төркемнәре өчен көтү залларын төзү проекты буенча фикер алыштылар. Вокзаллар җитәкчелеге белән тоташу да булды, анда эшләрне башлау һәм төгәлләү сроклары, финанслау һәм техник кыенлыклар турында фикер алыштылар. Элегрәк Максим Топилин РЖД башлыгына мөрәҗәгать юллаган иде, анда мондый көтү бүлмәләре булдыру турындагы үз инициативасын бәян итте, мөрәҗәгать хупланды.
Шулай ук «Бөек Идел юлы» проекты һәм аны тормышка ашыруга комачаулаучы мөмкин булган кыенлыклар темасы да күтәрелде.
Аннары, «ЕлАЗ ҖБ» АҖ директоры Игорь Осянин белән видеоконференцэлемтә режимында илебезнең юл-төзелеш техникасын импортны алыштыруга, комплектлаучы әйберләрне локальләштерүгә һәм 3D җиһазлар белән тәэмин итүгә бәйле мәсьәләләр турында фикер алыштылар. Шул исәптән, үзебезнең юл-төзелеш техникасы һәм җайланмалары линейкасы тәкъдим ителә алырлык авыл юллары төзелеше темасын карадылар.
Эшлекле очрашу вакытында, Максим Топилин җитәкли торган муниципалитетларда яшәүчеләрдән юл төзелешенә кагылышлы мөрәҗәгатьләр дә игътибарсыз калдырмады.