Казанда илкүләм юл проекты буенча Үзәк урамында ремонт эшләре дәвам итә

2022 елның 26 июле, сишәмбе

«Имин сыйфатлы юллар» милли проекты кысаларында Казанда Идел буе районы Салмачи торак массивында Үзәк урамга ремонт ясала. Озынлыгы 3,5 км тәшкил итә.

Бүгенгә эшләр тәмамлануның якынча проценты - 65%. Объектның бәясе 249 млн сумнан артык. Подрядчы булып «Автодорстрой» ҖЧҖ тора.

Алга таба биредә 84 юл билгесе, 440 п.м. җәяүле киртәләр, 16 тукталыш павильоны урнаштыру һәм юл билгеләре ясау планлаштырылган.