Казаннан Тобольск шәһәренә «ЮВТ АЭРО» авиакомпаниясе самолетлары оча башлый
Татарстан «ЮВТ АЭРО» авиакомпаниясе Казан-Тобольск-Казан маршруты буенча очучы самолетларга билетлар сата башлады. Җомга 13 май көнне Казаннан беренче рейс күтәреләчәк. Казан -Тобольск - Казан турыдан-туры рейслары түбәндәгечә хәрәкәт итәчәк:
- дүшәмбе көннәрендә: «Казан» халыкара аэропортыннан самолет 03:40 сәг күтәрелә, Тобольск аэропортына 07:55 сәг килеп төшә, Тобольск шәһәреннән 08:45 сәг кузгалып, Казан аэропортына 08:50 сәг килеп төшә.
- җомга көннәрендә: самолет Казаннан 05:30 сәг күтәрелә, Тобольск шәһәренә 09:45 сәг килеп төшә, Тобольсктан 10:45 сәг кузгала, Казан аэропортына 11:00 сәгатьтә килеп төшә.
Һәр аэропорт өчен җирле вакыт күрсәтелгән. Рейсларда Bombardier CRJ-200 самолетлары җәлеп ителгән. Тулырак мәгълүмат: https://uvtaero.ru/ сайтында