Бөек Ватан сугышында катнашучыларга май аенда шәһәрара поездларда бушлай йөрү хокукы бирелә

2022 елның 22 апреле, җомга

2022 елның 1 маеннан 31 маена кадәр Бөек Ватан сугышында катнашучыларга һәм инвалидларга, аларны озатып йөрүче затларга «Содружество» пассажир компаниясенең барлык шәһәрара поездларында ташламага хокукны раслый торган документлар күрсәтелгән очракта түләүсез йөрү хокукы бирелә.

Вагоннарда югары уңайлыклары булган поездларда тариф өчен шулай ук түләү алынмый, бушлай йөрү рөхсәт ителә.

1 майдан 31 майга кадәр барлык ветераннарга бушлай йөрү хокукы бирелә, шул исәптән әлеге ташламадан элегрәк баш тарткан кешеләр дә куллана ала.