10нан артык подрядчы оешма милли проект кысаларында юл эшләрен гамәлгә ашыруда җәлеп ителәчәк
2022 елда республикада «Имин сыйфатлы юллар» милли проекты кысаларында 91 чакрым автомобиль юлын ремонтлау планлаштырыла. Финанслауның гомуми суммасы - Татарстан Республикасы бюджетыннан 4 млрд 328 млн сум тәшкил итәчәк.
Чараларны үтәү максатынннан төбәкнең 10 нан артык подряд оешмасын җәлеп итү планлаштырыла, алар арасында - «Татавтодор» АҖ, «Алексеевскдорстрой» ААҖ, «Татнефтедор» ҖЧҖ, «Каздорстрой» ААҖ, «Волгадорстрой» ҖЧҖ, «Волга-Автодор» ҖЧҖ һәм башкалар бар.
Юл эшләрен башкару, шул исәптән проект-смета документациясен эшләү подрядчы оешманы билгеләү «Дәүләт һәм муниципаль ихтыяҗларны тәэмин итү өчен товарлар, хезмәтләр, хезмәт күрсәтү өлкәсендә контракт системасы турында» 44-ФЗ номерлы Федераль закон нигезендә гамәлгә ашырыла.
Барлык подрядчы оешмалар заманча җитештерү-техник база, алдынгы технологияләр, инженер-техник персонал һәм квалификацияле эшчеләргә ия. Юл эшләрен башкаруда техник күзәтчелек Татарстан Республикасы транспорт һәм юл хуҗалыгы министрлыгы каршындагы "Татарстан юл-транспорт комплексын үстерү һәм карап тотуның төп идарәсе» ДКУ гамәлгә ашыра.