Россия тимер юллары тимер юл буйлап товарлар китерү буенча онлайн-мәйданчык эшен башлады
Россия тимер юллары «РТЮ Маркет» эшен башлап җибәрде – бу тимер юл транспорты ярдәмендә товарлар сатып алырга мөмкинлек бирәчәк онлайн-мәйданчык. Анда бөтен ил буенча сәнәгать продукциясе җитештерүчеләреннән тәкъдимнәр җыелачак.
«РТЮ Маркет» - бизнес өчен маркетплейс. Онлайн режимында сатып алучы кирәкле товарны таба, тәкъдимнәрне чагыштыра, иң якын урнашкан тәэминатчыны таба, шул рәвешле тимер юл транспорты ярдәмендә китерүгә заказ бирә ала. Яраклы вариантны сайларга фикерләр һәм рейтинглар системасы ярдәм итәчәк.
Алыш-биреш тулысынча электрон формада рәсмиләштереләчәк. Сатып алучы барлык хезмәтләргә (сатып алу һәм китерү өчен) бер исәп-хисап алачак. Заказның үтәлешен күзәтү өчен шәхси кабинетка керү дә җитә.
Сервис операторы «РТЮ Логистика» АҖ («РТЮ» ААҖнең бүлендек җәмгыяте) барлык мәшәкатьләрне үз өстенә алачак. Товарны китерү «Грузовые перевозки» электрон сәүдә мәйданчыгы аша рәсмиләштереләчәк.
«РТЮ Маркет» сатучылар өчен продукцияне сату чикләрен шактый киңәйтә, ә сатып алучылар өчен вакыт экономияли һәм төрле товарлар эзләү һәм җибәрүгә чыгымнарны киметә.
Тәкъдимнәр һәм товарлар ассортименты артачак.
Фото: company.rzd.ru