Игътибар: «Җәяүле»
Татарстанда 25 октябрьдән 3 ноябрьгә кадәр «Җәяүле» чаралары уза. Аларның максаты - җәяүлеләр катнашында юл-транспорт имгәнүләрен кисәтү һәм юл хәрәкәте иминлеген тәэмин итү.
ТР буенча ЮХИДИ мәгълүматлары буенча, агымдагы елның 9 аенда җәяүлеләр катнашында юл-транспорт һәлакәтләрендә 55 кеше һәлак булган, бу юл-транспорт һәлакәтләрендә һәлак булучыларның 25,3% ын тәшкил итә. Җәяүлеләрне бәрдерүнең иң еш очрагы тәүлекнең караңгы вакытына туры килә, күпчелек очракта киемдә яктылык кайтаручы элементлар булмаган җәяүлеләр. Җәяүлеләр өчен кичү урыннарында җәяүлеләрне бәрдерү нәтиҗәсендә һәлак булучылар саны 85,7% ка арткан.
Профилактик чаралар чорында юл кырыйларының, тротуарларның һәм җәяүлеләр өчен кичүләрнең торышына, җәяүлеләр өчен киртәләрнең бөтенлегенә, ясалма яктыртуның эшкә сәләтлелегенә өстәмә тикшерүләр үткәрелә.
Акция барышында юл оешмалары хезмәткәрләре тарафыннан яктылык кайтаручы элементлар булган махсус кием куллануга аерым игътибар бирелә.
Юл эшчеләренең эшчәнлеге авыр физик хезмәт, куркыныч хезмәт шартлары белән бәйле. Юллардагы ремонт эшләре барышында хезмәтне саклауны тәэмин итү өчен хезмәткәрләр махсус кием кияргә тиеш.
Татарстанда юл төзүчеләрне 2 һәм 3 класслы махсус сигнал бирүче кием белән тәэмин итәләр. Ремонт-төзелеш эшләрен башкарганда, сезонга карап, җәйге яки кышкы костюмнар кияләр, аның өске тукымасы флуоресцент төсендә: эшчеләр өчен - кызгылт сары төс, инженер-техник хезмәткәрләр өчен - сыек яшел.
Махсус кием сигнал функциясен үти, эшчеләрне тәүлекнең караңгы вакытында күз күреме начар булган шартларда да күреп алырлык итә. Әлеге максат өчен кием өслегенә махсус яктылык кайтаргыч капламнар төшерелә.